السلام عليكم
اللوقتي انا كنت متجوزه عشر سنين ومعايا تلات اولاد وكان ف عدم تفاهم شديد بيني وبين ابو أولادي وفضلت فوق سنتين اطلب الطلاق بصفه مستمره لحد ما تم ف هدوء وبريته من كل حقوقي ومشيت.. هوا كان متخيل أن هرجع تاني وفضل مستنيني وحاول كتييير وبعتلي ناس كتير وأهله متمسكين بيا جدا لاني كنت كويسه جدا معاهم... انا حاليا بقالي سنتين مطلقه ف الفتره دي دخل حياتي شخص ومن أول ما عرفني قلي انا هتجوزك وانا مكنش ف دماغي جواز نهائي.. فضل مصمم ع اللي ف راسه وكنت بستغرب من إصراره.. لحد ما جه لوالدي وعشان بابا يطفشه قاله يجبلي شقه وب اسمي.. وافق وقال هينقل شقته باسمي قبل الجواز .. سمحتله يقرب مني حبيته جدا بقى هوا الدنيا كلها بقيت معاه شخص تاني حولني ٣٦٠ درجه معتش عصبيه بقيت بسمع أصغر كلمه يقولها بكل حب ورضا.. اللوقتي طليقي مصمم هوا وأهله يرجعوني ب اي طريقه وب اي ضمان اطلبه.. وعشان نلم الولاد وكلام من دا كتييييير جدا.. الشخص التاني اتعلق بيا جدا ونا مش قادره أتصور اني اعيش من غير وجوده.. هوا حب ولادي وولادي حبوه وشايلهم ع راسه.. والمفروض خلاص كام شهر ونتم الجواز.. بس انا خايفه اكون ظلمت ولادي ويلموني لما يكبرو..
هتجنن من التفكير وأهلي شايفين ان دا قراري لاني تعبتهم زمان كتير ف جوازي اعمل ايه
تعليقات