ناوي في الدنيا تعيش مرتاح
ناسي الهم وهادي البال
خلي أمامك كل طريق
سهل وصوله بدون أقوال
خلي النيه الصافيه معاك
هي ونيسك هي حماك
وأجبر خاطر كل ضعيف
أصله مالوش فالدنيا سواك
وأوعاك تنسي رضي الوالدين
هما الخير والبركة معاك
هما الدعوه اللي سانداك
هما الضهر اللي يرعاك
أصل رضاهم جنه ونور
زي ما علمنا المختار
وكمان ربي ولادك صح
تقوي ورحمه وحب الجار
ناوي فالدنيا تعيش مرتاح
ناسي الهم وهادي البال
خلي أمامك كل طريق
سهل وصوله بدون أقوال
خلي تاريخك يفضل دايم
خلي السيره الحلوه معاك
وأوعي تصاحب يوم الجهل
صاحب سوء هيضل هواك
هو العلم وغيره مفيش
هو طريقك وسط ظلام
وكمان خلي الصحبه معاك
نور لطريقك ولدنياك
أصل الوحده هلاك ودمار
فرقه إتفرح فيك أعداك
ناوي فالدنيا تعيش مرتاح
ناسي الهم وهادي البال
خلي أمامك كل طريق
سهل وصوله بدون أقوال
وأحفظ سرك جوه العين
وكمان عينك مش هتصون
خلي كلامك دوم موزون
تكبر في عيون اللي معاك
هي وصيه بلا ألغاز
حطها دايماً نصب العين
وأدعي لربك رب الكون
بالصالح يختم دنياك
تعليقات